1 маусым Халықаралық балаларды қорғау күнімен тұспа тұс келген соңғы қоңырау салтанаты өтті.
Абай облысы білім басқармасы Аягөз ауданы білім бөлімінің «№4 ЖОББ аралас мектебі»КММ оқушыларына арналған 1 маусым Халықаралық балаларды қорғау күнімен тұспа тұс келген соңғы қоңырау салтанаты өтті. Мектеп өмірінде айрықша жетістікке жетіп, түрлі бағыттар бойынша облыстық, республикалык, халыкаралық жетістікке жеткен оқушыларын мектеп директоры Кайрат Тұрсынұлы марапаттады. Мектеп директоры өз сөзінде: Мектеп түлектеріне өмірде өз орындарын тауып, мол жетістікке жететіндеріне, барлық шәкіртеріміздің болашағынан зор үміт күтетіндігін айтып, кұттықтады. Салтанатты шара кезінде мектептің дарынды түлектері мектеп туы мен білім кілтін кейінгі буынға зор сеніммен тапсырды. Сондай-ақ мәдени шараларда белсенді болу, спорт жарыстарында жеңіс тұғырынан көріну, экологияны қорғау сынды аманаттар да айтылды. Мектеп түлектері жылдар бойы тәрбие және білім нәрімен сусындатқан ұстаздар қауымына алғыстарын білдірді. Атамыш шараға қонақ ретінде «AMANAT» партиясы Аягөз аудандық филиалының атқарушы хатшысы Сабитов Ермек Бауыржанұлы, Аягөз аудандық білім бөлімінің әдіскері Ахметова Салима Сериковна, Аягөз аудандық әскери горнизон бастығы Сүттібаев Даулет Хұсанбайұлы қатысты. Қонақтар 2023 жылғы мектеп бітіруші түлектерге жылы лебіздерін білдіріп, өмірлеріне тек қана сәттілік тілеп. Аңсаған армандарына қол жеткізіп, әр саланың мықты мамандары болуға тілек білдірді.
