1 наурыз – Алғыс айту күні, Тәуелсіз Қазақстанды құру жолында аянбай тер төккен еліміздің барлық азаматттарының бір-біріне құрмет білдіретін күніне орай өткізілген іс -шаралар туралы

Шығыс Қазақстан облысы Білім басқармасы Аягөз ауданы бойынша білім бөлімінің

«№4 жалпы орта білім беретін аралас мектебі» КММ-де

Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымының белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды. Сондықтан бұл күнді тағдыр тоғыстырған Қазақстанның көпэтносты халқының ортақ тарихын құрметтеу және қайырымдылық дәстүрлерін, әлеуметтік ынтымақтастықты және өзара көмек көрсетуді қолдау мен рухани дәстүрлер күні деп түсіну қажет.
Сондықтан жас ұрпаққа өткенді ұғындырып, оның мән-мазмұнын түсіндіру мақсатында біршама іс-шаралар ұйымдастырылды. Қазақстандық патриотизмді нығайту, Қазақстан халқын мәңгілікке біріктіруге бағытталған «Мәңгілік Ел» жалпыұлттық патриоттық идеясын іске асыру мақсатында Шығыс Қазақстан облысы Білім басқармасы Аягөз ауданы бойынша білім бөлімінің «№4 жалпы орта білім беретін аралас мектебі» КММ-де «Алғыс айту- парызым» атты тәрбие сағаттары 1-11 сынып оқушылары арасында офлайн және қашықтық форматта өткізілді.

Сынып сағаттар барысында мектеп оқушылары өздерінің алғыс-тілектерін, құттықтауларын өлең жолдарымен жолдады. Мектептің екінші қабатында «Мейірімді жандар» тақырыбы атты кітаптар көрмесі ұйымдастырылды.

Сонымен қатар мектептің белсенді жастарынан құрылған 10-11 сынып оқушылары «Қамқорлық мекен-жайы» атты акция аясында, мөлтек ауданымыз бойынша зейнеткер апа, әжелеріміздің үйіне барып, көмек көрсетіп, алғыс баталарын алды. Бұл күн мейірімділіктің, достық пен махаббатының жарқын мерекесі болғандықтан оқушылар мен педагогтар, мектеп қызметкерлері бір-бірлеріне алғыс білдіріп, көтеріңкі көңіл-күй сыйлады.