Ұлыстың Ұлы күні – Наурыз мерекесіне байланысты «Жылдың басы 22 - наурыз ба? әлде 31-ші желтоқсан ба?» атты пікірталас дебат ойыны

Ұлыстың Ұлы күні – Наурыз мерекесіне байланысты мектеп оқушылары арасында патриоттық рухты ояту, қазақ даласындағы орны, наурыз мерекесін ұлттық салт - дәстүрімізбен, әдет-ғұрпымызбен байланыстыра насихаттап, ұрпақтардың өз ұлтына деген сүйіспеншілігін арттыру мақсатында «Жылдың басы 22 - наурыз ба? әлде 31-ші желтоқсан ба?» атты пікірталас дебат ойыны санитарлық талаптарды сақтай отырып ұйымдастырылды. Пікірталас барысында мектеп оқушылар өз ойларын айта отырып, дебат ойыны барысында тыңдармандарды пікірталас үрдісіне тарту арқылы интеллектің даму технологиясын ұсынды. Пікірталасқа түсушілердің мақсаты, әдетте, даулы проблемалар бойынша қандай да бір позицияны қорғап, өзге позицияны теріске шығаруды көздейді. Жалпы, оқушылардың бойына ұлттық үрдісті сіңдіруде, баланы озық қоғамға сай етіп тәрбиелеуде дебат технологиясының берер пайдасы мол. Оқушыларға сапалы білім мен саналы білім беру – бүгінгі күннің басты өлшемі. Өз позициясын жақтап шығуға тырысқан оқушылар бос уақытта сенделмей, кітапханаға барып түрлі материалдар іздестіреді. Қазіргі таңда ғаламтордың шеңберінен шырматылып шыға алмай қалған балалардың көркем әдебиет оқуға құлшынысы арта түседі. Ойын барысында өз ойларын келелі сөз, шынайы шеберлікпен, шешен тілмен жеткізуге тырысады. Кез келген тыңдаушыға жүйелі сөз әсер етері хақ. Шешендік салтанат құрған жерде оқушылар ұлттық-рухани құндылықтарды бойына сіңіріп, алдағы күнде ел жүгін мойнымен арқалауға дайын тұрады.