RU KZ

Кәсіптік бағдар беру жұмысы аясында Аягөз аудандық кәсіпкерлерімен кездесу

26 сәуір 2021ж.  күні ШҚО ББ Аягөз ауданы бойынша білім бөлімінің «№4 жалпы орта білім беретін аралас мектебі» КММ-нің 10-11 сынып оқушыларына кәсіптік бағдар беру жұмысы аясында ШҚО Аягөз ауданының іскер әйелдер кеңесінің төрайымы Ақшарайева Айгул Қадыргалиевнамен және  «АТАМЕКЕН» Ұлттық кәсіпкерлер палатасының директоры Кабдулла Думан Баймұханұлымен кездесу ұйымдастырылды. Кездесуге мектептің 10-11 сынып оқушылары мен мектеп тәрбие ісі жөніндегі орынбасарлары Раиымбеков Марат Кемельтаевич, Кулатаев Руслан Сериккалиевич; кәсіпкерлік және бизнес негіздері оқытушысы Койшыбаева Мейргуль Тилеубековна қатысты.

Айгул Қадыргалиев мен Думан Баймұханұлы  кәсіпкерлік қызметтің ерекшеліктері туралы айтып, табыс құпиясымен бөлісті және балалардың сұрақтарына жауап берді. Сұрақтар өте көп болды: бизнесті қалай бастау керек, бастапқы капиталды қайдан алуға болады, жарнаманың қандай құралдары ең тиімді? Деген сұрақтарға жауап алды.

Сонымен қатар, оқушылар бизнес жүргізудің қыр-сырын, бизнесмен сипатын шыңдайтын табыстар мен сәтсіздіктер туралы білді. Кәсіпкерлер сұрақтарға жауап бере отырып, табысты кәсіпкердің басты қасиеттері еңбекқорлық, өмір бойы білім алу мен өзін-өзі жетілдіру екенін атап өтті.

Егемен еліміздің болашағы жастар елшісінде екенін ескеріп, жетістік пен табысқа жеткен тұлғалардың іс-тәжірибесімен бөлісуі келешек ұрпақтың болашақта биік белестерге жетуіне септігін тигізеді деп сенеміз.









Добавлено: 26-04-2021, 18:55
0
75

Добавить комментарий

Кликните на изображение чтобы обновить код, если он неразборчив

Наверх