Жазғы мектеп-2022 ұйымдастыру туралы
Жазғы мектеп-2022 ұйымдастыру туралы
Қазақстан Республикасы Білім және ғылым министрінің 2022 жылғы 20 сәуірдегі «2021-2022 оқу жылын аяқтау және орта білім беру ұйымдарында білім алушыларды қорытынды аттестаттаудан өткізу мерзімдерін бекіту туралы» № 159 бұйрығын, «2021-2022 оқу жылында жазғы мектепті ұйымдастыру жөніндегі әдістемелік ұсынымдарын және «2021-2022 оқу жылында Қазақстан Республикасының орта білім беру ұйымдарында оқу-тәрбие процесінің ерекшеліктері туралы» нұсқалық-әдістемелік хатты негізге ала отырып, 26 мамырдан 17 маусымға дейін білім сапасын арттыру және негізгі пәндер бойынша білімдегі олқылықтардың орнын толтыру мақсатында 1-8 және 10-сыныптар мен 9-сыныптардың (қалауы бойынша) білім алушылары үшін Жазғы мектеп жұмыс істейтін болады.
Жазғы мектепке қабылдау тегін негізде. Барлық оқушылар үшін сабақтарды ұйымдастыру. Білім алушылардың сабаққа еркін формада қатысуына жол беріледі. Икемді сабақ кестесімен жүзеге асады.
Баланың жазғы мектепке баруы қажет, бірақ егер күтпеген жағдайлар туындаса, онда жазғы мектеп туралы түпкілікті шешімді ата-аналардың өздері/заңды өкілдері мен мектеп оқушылары қабылдайды.
Кадрлық қамтамасыз ету. Педагогтерге сабақ жүргізгені үшін қосымша қаржыландыру талап етілмейді - педагогтер ағымдағы оқу жылына бекітілген жүктеме шеңберінде жұмыс істейді.
Құжаттама: 1) білім басқармасының Жазғы мектепті ұйымдастыру туралы бұйрығы; 2) директор бекіткен Жазғы мектептің жоспары мен кестесі басталғанға дейін 2 апта бұрын; 3) білім алушылардың тізімі және сынып-аомплектілері; 4) оқу пәндерінің тізімі - негізгі пәндер (қазақ тілі, орыс тілі, ағылшын тілі, математика, тарих, физика, химия, биология, география және т. б.)
Жұмыс түрлері: оқу сабақтары, жобалық қызмет, зерттеулер, Зертханалық жұмыстар, таза ауадағы сабақтар, өлкетану зерттеу экспедициялары, мұражайларға, туған өлкенің көрікті жерлеріне бару экскурсиялары және т.б.
Жұмыстың әдістері мен тәсілдерін – оқушылардың жас және жеке қабілеттеріне байланысты мұғалімдер дербес анықтайды.
Қажет болған жағдайда білім алушылар үшін кесте бойынша жеке, топтық сабақтар ұйымдастырылады.
Бағалау- негізгі пәндер бойынша сабақтар ең маңызды және күрделі оқу тақырыптарын қамтиды. Жазғы мектеп оқушыларының оқу жетістіктерін бағалау жүргізілмейді. Жазғы мектеп жағдайында үй тапсырмасы берілмейді. Балалардың эмоционалдық көңіл-күйіне назар аудару және оқуға қолдау көрсету.
Ресурстар: Сабаққа дайындық кезінде педагог оқу материалдары мен ресурстарын мұқият таңдап, білім алушылардың оқу пәндері бойынша біліміндегі олқылықтардың орнын толықтыруға деген қажеттіліктерін ескере отырып, сараланған тапсырмаларды әзірлеуі керек.
Білім алушылардың танымдық ынтасын арттыру мақсатында қосымша ойын-сауық материалдарын, тест тапсырмаларын, шығармашылық сипаттағы дидактикалық материалдарды, аудиовизуалды құралдарды (графика, аудио, бейнематериалдар), презентацияларды, сараланған оқу тапсырмаларын пайдалану ұсынылады.
Оқу материалының мазмұны оқу процесінде білім алушылардың ойлау процестерін дамытуға, ойластырылған шешімдер қабылдау, оларды дәлелдеу, ақпаратпен жұмыс істеу, талдау, салыстыру, қорытындылау біліктерін дамытуға бағытталуы тиіс.
Жазғы мектептің оқу процесінде үлгерімі нашар білім алушыларға педагогикалық қолдау көрсету ұсынылады. Қажет болған жағдайда жеке сараланған тапсырмалар әзірлеу керек.
Сыни ойлауды дамытуға, функционалдық сауаттылықты қалыптастыруға, интерактивті оқыту әдістемелерін (жобалар әдісі, пікірталас, ойын, іздеу әдістері) қолдануға, таза ауада сабақтарды ұйымдастыруға бағытталған жағдаяттық міндеттерді пайдалану ұсынылады.
СанПин талаптары бойынша қауіпсіздік шараларын сақтау:
Топтардағы/ сыныптардағы толымдылық – 25 адамнан аспауы тиіс. Топтармен сабақтар өткізуге рұқсат етіледі.
Оқу пәндері бойынша сабақтың ұзақтығы – 40 минут, күніне 3-4 сабақ.
Оқу процесін жүзеге асыру үшін волонтер студенттерді тартуға рұқсат етіледі.
Кестеге балалардың оқу әдетін қалыптастыратын күнделікті 20-30 минуттық кітап оқуды қосу ұсынылады. Кітаптарды топтық талқылау, түсіну, талдау, салыстыру, қорытынды жасау арқылы оқу дағдыларын дамытуға ықпал етеді.
Дене шынықтыру мұғалімдері жаттығулар, қозғалмалы ойын спорт түрлері: волейбол, футбол, баскетбол және т.б. бойынша сабақтар ұйымдастырады.
Педагог-психологтер психологиялық тренингтер ұйымдастырады, сынып жетекшілері, тәрбиешілер түрлі дамытушы тақырыптар бойынша тренингтер өткізеді.
Оқу материалының мазмұны оқу процесінде білім алушылардың ойлау процестерін дамытуға, ойластырылған шешімдер қабылдау, оларды дәлелдеу, ақпаратпен жұмыс істеу, талдау, салыстыру, қорытындылау біліктерін дамытуға; танымдық ынтасын арттыру мақсатында қосымша ойын-сауық материалдарын, тест тапсырмаларын, шығармашылық сипаттағы дидактикалық материалдарды, аудиовизуалды құралдарды (графика, аудио, бейнематериалдар), презентацияларды, сараланған оқу тапсырмаларын қолдануға, PISA оқу тапсырмаларын және оқытудың тиімді әдістері мен тәсілдерін пайдалануға бағытталуы тиіс.
Білім беру процесіне қатысушылардың функциялары
Мектеп директоры:
- мектеп түрін (лицей, гимназия, жалпы білім беретін мектеп) ескере отырып, бекітілген жұмыс жоспарына сәйкес жазғы мектептің қызметін үйлестіреді;
- жазғы мектептің тыныс-тіршілігін және жұмыс істеуін қамтамасыз ететін қызметкерлердің еңбек функцияларын бөледі;
- оқу процесін ұйымдастыру және санитарлық норма ережелерін сақтау бойынша әкімшілік және педагогикалық құраммен және басқа да қызметкерлермен нұсқаулық жүргізеді;
- жазғы мектептің жұмысын бақылайды.
Директордың оқу-тәрбие жөніндегі орынбасары:
- Жазғы мектеп қызметін ұйымдастырады;
- барлық тілек білдірген білім алушылардың ата-аналарынан/заңды өкілдерінен өтініштер қабылдайды;
- оқу жетістіктерін бағалауды талдау және білім алушылардың пәндік білім деңгейін диагностикалау нәтижесі бойынша білім алушылардың сараланған топтарын құрады;
- оқу пәндері бойынша, құрылған топтарды немесе сыныптарды ескере отырып, сабақ кестесін жасайды;
- педагогтердің әдістемелік бірлестіктерінде пәндер бойынша ең күрделі тақырыптарды таңдау мен санын талқылауды ұйымдастырады;
- педагогтер, психологтер, оның ішінде волонтер студенттер үшін консультациялар ұйымдастырады;
- бекітілген жұмыс жоспары мен сабақ кестесіне сәйкес педагогтердің қызметін ұйымдастырады;
- білім алушылардың оқу жетістіктеріне мониторинг жүргізеді және педагогтердің жұмысына ағымдағы бақылауды жүзеге асырады;
- білім беру ұйымының педагогикалық кеңесінде қарау үшін жазғы мектеп жұмысының нәтижелері бойынша салыстырмалы талдамалық анықтама дайындайды.
Педагогтер:
- жыл бойы оқу жетістіктерінің нәтижелеріне талдау жүргізеді, білім алушылардың пәндік білім деңгейіне диагностика жүргізеді және қорытындысы бойынша білім алушылардың сараланған топтарын/ сыныптарын қалыптастырады;
- білім алушылардың және олардың ата-аналарының/заңды өкілдерінің назарына баланың оқу жетістіктерінің деңгейі туралы ақпаратты және білімдегі олқылықтарды жою бойынша жазғы мектептің жұмыс жоспарын жеткізеді;
- білімдегі олқылықтарды ескере отырып, оқу процесін бекітілген кестеге сәйкес жүзеге асырады;
- құпиялылық режимінен шыққан PISA оқу тапсырмаларын және оқытудың тиімді әдістері мен тәсілдерін (оқу материалын бекіту үшін) пайдалана отырып, бекітілген жоспар мен кестені ескеріп, оқу процесін іске асырады;
- жазғы мектепте сабаққа қатысу есебін өз бетінше жүргізеді;
- білім алушылар үшін жеке консультациялар өткізеді;
- білім алушылардың оқу жетістіктері бойынша өз пәні бойынша жазғы мектепті аяқтау қорытындылары бойынша салыстырмалы талдау жүргізеді, ол келесі оқу жылында оқу процесін құру үшін негіз болады.
Мектеп психологтері:
- білім алушыларды психологиялық қолдауды қамтамасыз етеді;
- білім алушылар мен олардың ата-аналары/заңды өкілдері үшін консультациялар өткізеді;
- психологиялық тренингтер өткізеді.
Сіздердің назарларыңызды оқу жетістіктеріне мониторинг және педагогтердің жұмысына ағымдағы бақылау жүргізілуіне аударамыз. Осыған байланысты, білім басқармасына апта сайын мына формада (былтырғы үлгіде) бойынша толтырылған кестені тапсыру қажет.
Құрметті әріптестер! Мектеп сайтына, әлеуметтік желіге Жазғы мектеп-2022 шақырады! деген мынадай үлгіде жарнама жасауларыңызға ұсыныс жасаймыз. Барлықтарыңызға оқу жылын сәтті аяқтауға және жазғы мектептің ойдағыдай өтуіне тілектеспіз.
